居港日本人｜理由一：喺香港可以做自己
Namico指，首先，「我喺香港可以做自己」。日本是一個重視團體的社會，「例如著衫，如果得我一個人著露肚臍啊、露出腳嘅衫，就會畀人望住；化妝都係，如果得我一個人冇化妝，其他人會覺得我係奇怪嘅人」。

她又舉例稱，加上日本有敬語，「同大過自己嘅人傾計，一定要用敬語，如果唔係我會（被視為）好冇禮貌嘅人」，「同埋廣東話冇敬語，好似同邊個都可以做朋友，所以對我嚟講，香港係比較自由嘅地方」。

居港日本人｜理由二：香港嘅治安好好
其次，「香港嘅治安好好」，Namico認為日本的治安亦不算差，但日本電車上有「痴漢」，而香港不同；「香港條街好多人，同埋好多燈好光，所以做唔到壞事，同埋喺香港，女性嘅地位畀社會保護住，所以唔使擔心有痴漢，就算好夜都可以一個人出街，所以我覺得香港嘅治安好好」。

居港日本人｜理由三：香港有人情味
第三，Namico表示「好鍾意香港人嘅人情味」，她認為港人乘搭公共交通工具時，會因真正關係而為其他人讓座，而日本人則是因為「優先席」而讓位，如果不設有該座位，日本人是不會主動讓位的。

她分享一次掛8號風球要乘搭飛機回日本的經歷，指香港朋友比日本朋友對其的關心程度高不少，會主動查閱天氣、交通及酒店資訊告訴她。

居港日本人｜理由四：香港唔容易寂寞
第四，Namico認為香港「唔會咁容易寂寞」，她指日本地方大，人與人之間的距離較遠，夜晚亦沒有香港熱鬧，且在香港與朋友更容易相約遊玩，見面機會也多，所以在香港「唔會咁容易孤獨」。

居港日本人｜理由五：香港乜都便利
第五，Namico指香港「乜都好快好方便」，她表示香港面積較小，去任何地方都方便，在家樓下的街市便可以買餸，十分便利，而她此前住在日本時，出門買餸都需要駕車前往。同時，由於地方小，約友人見面更加容易，在日本時需要提前許久與友人相約。