子女一向被父母放在第一首位，當然連揀買咩樓都要優先考慮子女的需求！近日有網民在討論區發帖呼籲大家若打算生兒育女，買樓時不應選擇大西北地區。指出大西北少直資私立學校，而且遠到要坐校巴的話，「校巴周圍上客落客，仲慢過坐鐵」、「又唔係平，2-3千蚊一個月，又浪費時間係車上面」。

獲得不少人認同，普遍認為學校對於小朋友的成長十分重要，而新界區的學校近年愈來愈多內地學生就讀，擔心影響子女的生活和語言能力：「大西北同大陸人做同學好慘」、「學到成口普通話返屋企」。

此外，交通問題亦是主要原因之一，不但交通費高昂，亦非常浪費小朋友的精力和時間，難以取替，「孟母都要三遷，唔係點解校網都會影響嗰區樓價，淨係搭車來來回回消耗幾多時間精力」，甚至有人分享慘通個人經歷，希望其他人不要步後塵：「住大西北返港島讀中學簡直係人生最痛苦嗰6年，朝朝6點起身小巴轉地鐵，返到學校已經攰到扒喺度」。