因在拼多多、淘寶等購物平台網購，貨品價格實惠、取件便利，吸引不少港人用戶；不過，近日因有平台與速遞公司終止合作，本港多間自提站被逼爆，海量貨物堆積成山，排隊取件現人龍。

近日，有22歲的自提站職員在Threads發帖訴苦，大呻工作量繁多，每週幾乎全勤，且日日需要加班，工作時間最長達到17個小時，相當辛苦……

幾乎日日OT　工作時間最長17個鐘
樓主以「其實講真有邊個唔想準時收工？」為題發帖，稱現在全港的自提站貨物量爆滿，他形容工作7日中有6日都需要加班；樓主表示，在職的自提站平日的營業時間是上午10時至晚上9時，他有時的實際工作時間是上午7時至夜晚12時；周日的營業時間這是上午10時至晚上7時。

然而，日前的一個周日，按營業時間晚上7時打烊，樓主「已經執舖執到1910先開始埋數，我已經連燈都閂埋，我要摸黑埋數」；卻仍有客人進入店內表示要取件，「攞埋我你先走啦，好快啫」、「點解你唔識體諒我，畀我攞埋」、「反正你都未走，拎埋我都冇所謂啦」、「OT攞埋我咪啱」。

無奈質問：點解咁自私唔畀我走？
對此，樓主認為「難得有日可以畀我準時收工，點解你哋要咁自私唔畀我走，直到你買咗嘢好像即刻到手啦，點解無可以下次早啲嚟攞？又或者你聽日先嚟攞？你係要等我收工嘅時候嚟攞，唔好自私啦」，呼籲大家將心比心。

樓主心酸表示，非營業時間取件令他「想休息下，約下frd，自己一個去行下街，點解咁樣都唔得」，「以前攰都唔緊要，我真係第一次做到我冇晒心機，做到我隻手舉唔高，我隻腳又痛」；不過，樓主稱現已辭職。

網民：直接拒絕！
帖文引起網民熱議，紛紛建議到時間打烊便無須再幫客人取件，「即係你已經落閘熄燈，未落鎖，客人依然嚟拍閘咁XX？」、「辛苦了」、「見到你話辭咗職就放心了」、「唔可以拒絕㗎咩？直接拒絕咪得囉」、「樓下嗰間自提站夠鐘就關門，客人敲門佢只會指住營業時間個牌，完全冇商量餘地，我覺得非常合理！」。