買納米私樓自住係咩心態?網民:唔睇得都打得

本港樓價高企,不少發展商均會興建實用面積100多至200多平方呎的「納米」單位,增加房屋供應之餘,亦令更多用家上車。最近便有網友於討論區發文,指現時不少買家為追求住新樓,願意入市面積只有100至200多平方呎的新樓,批評他們「又窮又要買新樓扮中產」,令人費解。

不少網友均有同感,認為納米樓買家主要鍾情這些新樓具備住客會所及酒店式豪華大堂,「唔睇得都打得」。他們又認為,現時納米樓受不少年輕人鍾情,皆因本港工時甚長,「返9放10,要張床位瞓就夠」,度假都已經可以到酒店「staycation」,或是到住客會所消遣,坦言「冷氣費都慳番」。至於現今不少人的生活習慣都是「唔出房,對住部電腦手機」,故居住空毋須太大,有床位就足夠了。

不過,亦有網友反駁指,私樓的居民普遍較為富有,「同樣係新移民,受過高等教育個批,同你係公屋、居屋見到個堆兩類人黎」;鄰居之中亦不乏年輕人,「最緊要圍住都係後生仔女」,就像住在大學宿舍一樣,整體仍可享較公屋為佳的生活環境,認為入市納米私樓有何不可,「寧在豪宅哭,不在公屋笑」。